Tusen takk:)

Tusen takk for ei trivleg helg:) fekk inntrykk av at alle kosa seg og hadde det moro alle dagane. Me er i vertfall godt fornøgde. Me fann sylv under dansegolvet, det er tegn på at det har vore moro. Skulle nokon savne dette må de ta kontakt. Det er snakk om to lauv/ ringar frå ei blank sye.
Me har eit seiste ynskje, og det er bilete. Dersom de har nokre blinkskot frå hendingane her på Høgetveit er me veldig interessera i dei.
Nok ein gong, takk alle saman

Program

For dei som har mista, rota vekk eller gløymt att invitasjonen heime, her er programmet for helga: Fredag: grilling frå 19.00 og utover.
Laurdag: vigsle i Skafså kyrkje kl 12.00
              mottaking på Høgetveit frå 14.00
             underhaldning på trevet 15.00
             alle set seg til bords litt før 16.00
Sundag: frukost på Høgetveit 10.30

Då må alle ha ein rektig god tur, og så gler me oss til å sjå dykk alle. Det er berre og ta kontakt med meg (97156789) eller Lars (99242825) om det er noko de lurar på.

tikk takk, tikk takk.......

Tida går fort no når det nærmar seg og alle detaljar skal på plass. I helga vart festlokalet ferdig etter nesten 4 år med planlegging og bygging. Rydding av trevet og i hus på garden nærmar seg slutten og då er det berre pyntinga att. Eg brettar serviettar og hefter på harde livet medan Lars har vore ute å rydda og snikkera.

Dersom du allereie no har ynskje og planer om å bidra med noko under middagen kan du seie i frå til Sigrun Høgetveit Berg på mobilnummer 977 16 120, det er ikkje noko krav om å seie i frå men det gjer planlegginga til toastmaterane litt lettare. Det er lov å ta ordet sjølv om ein ikkje har sagt i frå på førehand.

Været og klede

Det har no regna i bøtter og spann, så me satsar på at det får tømt seg skikkeleg no på førehand slik at me får opphald neste veke. Treng nokre dagar slik at det turkar litt opp......Uansett så må ein ta høgde for at det kan bli vått og kaldt. Me har nok plass under tak til alle, men ein julikveld i Vinje kan verte kald. Her i veka hadde me 10 grader ein kveld. Eg veit det er nokon der ute som har planer om å byte frå bunad til kjole når middagen er ferdig - dette er opp til kvar enkelt, men brur og brudgom skiftar ikkje.

Det nærmar seg......

Då har me hatt ei veke fri frå ryddinga på Høgetveit, den har me nytta til å samle krefter til den seiste innspurten. Me har vore i Langesund til Kjersti (syster til Lars) og vore på hytta på Skafsåheii med nevøane til Lars. Det har vore nokre fine sommardagar og Einar har prøva badetemperatur både ved sjøen og i Skafså.
I går var me ein liten tur til Øyfjell der eg vart sminka - så no er brura klar!
No er me attende på Høgetveit der førebuingane held fram, det er mykje som endå må fiksast og ryddast. I tillegg må ein få bord, stolar, danseplatting, bar, mat og drikke i hus.

For dei som ikkje har studera kartet og dermed rekna ut avstandane her i Vest - Telemark, så kan me orientere om at dei som bur på Mjonøy må rekne ca 1 time til Skafså kyrkje medan dei som bur i Åmot må rekne ca 40 minutt. Attende til Høgetveit må ein rekne ca 50 minutt - det ligg mellom Åmot og Mjonøy. Tak av E - 134 mot Våmartveit, så ligg Høgetveit som fyrste garden på venstre side (fyrste vegen til venstre på Våmartveitvegen). Kart med vegskildring ligg under innlegget om Skafså kyrkje lagt ut i januar.

Dersom du kjem med buss og dermed ikkje har bil, må du sei til så skal me prøve å finne plass i andre bilar slik at du får med deg alt.

I underkant av 4 veker att

Då er juli her - månaden me har venta på! Det er knapt 4 veker att til alt skal stå klart og festen kan byrje. Den seiste veka har det vore eit regnvær som ikkje har likna grisen - ute er det kliss vått og me har stort sett vore inne. Eg har baka kling (tradisjonell lefse steikt på takke), mor har baka rundstykker, medan Lars med god hjelp frå to drengar har rydda på trevet.
I gjår vart det ei lita pause i arbeidet, då både eg og Lars vart henta av forloverane våre! Lars var nok den som vart mest overraska - rett og slett tatt på senga (ikkje bokstaveleg tala!), medan eg nok hadde skjønt teikninga ein dag i forvegen. Dagen starta ved ein lavo i Øyfjell der me trefte eit lite knippe av våre gode vener. Har åt me frukost i lag og brur og brudgom konkurerte i diverse øvingar med og utan hjelp frå resten av selskapet. Etter ein betre lunsj, så skilde me lag: karane reiste til Dalen - der dei spela paintball og festa vidare. Me jentene vende snuten mot Mjonøy der Eirin (forlovaren) hadde leigd ei av dei store hyttene. Her kosa me oss med god mat og drikke og utpå kvelden vart stampen teke i bruk - litt kald i starten men den vart fort varm....
Alt i alt så er det ei særs fornøgd brur og ein sliten men fornøgd brudgom som kom heim til Høgetveit. Me må få takka forloverane Svein (med god hjelp av Tone) og Eirin for ein super dag og nått:)
I morgo er nok ein arbeidsdag, me kryssar fingane for at været held og at me kjem i gang med stlåtten her på Høgetveit. Ellers så held ryddinga fram og frysaren vert fylt med god mat.

Allergi

Då har me vore sørafor i ei veke, me hadde nokre fine dagar i Skafså med bestefar (Dagfinn) før me reiste heim til Høgetveit laurdag. Her er mykje alt gjort, men det er framleis nok å gjere. I går hadde me ein varm dag, der me slo plen (som ikkje var slegen på ei stund....) og Einar fekk køyre traktor - han er i ferd med å verte som sin far; glad i traktor og anna som durar! Gommo og goffa (Kari og Øystein) har fiksa huskestativ til Einar, som vart montert i løpet av helga. Med andre ord her er fleire ballar i lufta samstundes.
Bunaden og all pynten som brura skal ha er i boks og i morgo skal middagen spikrast.
I samband med at maten kjem på plass er det fint om dei som har allergiar av ulik grad seier i frå til meg på telefon: 971 56 789 eller e-post: sigrun.hoegetveit@gmail.com.

Sigrun er vorte doktor

Jippi, Sigrun er no ferdig på skulen. Her i Trondheim har tida etter påske vore prega av eksamenslesing, men onsdag 8.juni var det offisielt. Alle eksamenane var bestått. Einar og far er kjempeglade for at mor kan vere heime med oss. Dagane etter eksamen har me nytta i Sverige, blandt anna besøkt "Kungen", og settt på Vasa. Me nytta også høvet til å forklare Einar at me skal gifte oss, dette var hans reaksjon:

Tankane omkring gjestebodet er vorte lagt til side i den hektiske eksamensperioden, men Gommo på Høgetveit har organisert og arbeid i kullisene. Nå må også me få tankane mot den store dagen, då bør også aktiviteten her på bloggen auke.

S.U 01.05.2011

No har me hatt ei flott påskeveke, til tross for lite sno. Me har likevel hatt den tradisjonelle hytteturen, grilling av pylser og steikt kjøt på bål. Einar har kost seg ute på plenen kvar einaste dag, godt beskytta av eit lag solfaktor 50


Med påskas sluttt nærmar me oss også slutten på april måned. D.V.S under ei veke til svarfristen går ut. Me gledar oss til å få alle dei positive svara denne veka:)

Ynskjelister

Me nærmar oss påske og gler oss til å reise heim ein tur. No og då grublar me litt på bryllupet, og planane kjem på plass bit for bit. I kveld har me sett opp ynskjeliste.

Fyrst av alt ynskjer me oss:
-Fint ver
-God stemning
-Fullt dansegolv

Det er lagt inn ynskjelister hjå Glassmagasinet, Kitchn og Tilbords. Har lagt linker til desse under. Dersom de vert spurd om passord er dette: Høgetveit

Christiania glassmagasin: http://www.bryllupslisten.no/Guest/Index

Kitchn: https://www.kitchn.no/WishList.asp?Cat=140&wishListId=33038

Tilbords: http://www.mittgavetips.no/listsearch/printoenskeliste.asp?listetype=bryllupweb&listeid=64672&samleliste=

Hjå sylvsmeden ynskjer me oss sylvtøy i serien Rådhus vifte:
-Gafflar 17,4 cm
-Små spiseskeier 17,4 cm
-Små spiseknivar med langt skaft 20,2 cm
-Annretningsgaffel 22,7 cm
-Annretningsskei 21,6 cm
-Jordepleskei 20,2 cm
-Sausause 17,4 cm

Me kan også tenke oss
-Stort tova rørospledd
-Ljosestakar for høge ljos
-Friluftutstyr slik som fiskeveske, slukar, ullklede deriblandt sokkar, skismørje er alltid topp
-Fine vasar
-Pengar, me sparar til eit stort måleri
-Vin, både raud og kvit er fin

Invitasjonane er i boks.

Då har me omsider fullført eitt punkt på lista - invitasjonane! No håpar me på god respons og at alle har høve til å koma til Vest - Telemark ei sommarhelg i juli. Me ser fram til å sjå dykk alle både fredag, laurdag og sundag:) håpar at mange tek turen også på fredag.
Her i Trondheim er me i full gang med treninga, dette er nødvendig for å koma inn i finstasen. Det er eit langsiktig mål - så me skal nok med litt opp og nedturar til slutt koma i mål. I kveld har me begge hatt kvar vår tur i skiløypa - og no tek Lars fram potetgullposen.......
Dersom de har spørsmål må de berre taka kontakt med ein av oss.

Overnatting

For overnatting finnas det nokre alternativ, men i Vest Telemark vert avstandane fort store. På sjølve dagen vil me sørge for at det er tilgjengelig minibuss for å frakte gjestene tilbake til undernevnte overnattingstader. Dersom det er nokon som ikkje har tilgang på bil, men kjem med Haukeliekspressen skal me gjere vårt beste for å legge til rette slik at dykk alle kan vere med på dei forskjellige arrangementa.
Me anbefaller dykk å vere tidleg ute med å bestille overnatting. Det er fint om de gjev oss eit hint om kor de skal overnatte.

Groven camping
Her har me holdt av 5 store og 7 små hytter fram til 1 juni for våre gjester. Desse bestiller de direkte hjå Groven på telefonnummer 35071421. Ved tinging må de oppgi referanse: "Bryllup Høgetveit Teigen"

Denne campingen er lokalisert i Åmot sentrum ca ei mil frå Høgetveit i retning Oslo. På Groven finnas hytter av to storleikar og standardar. Store hytter med fem sengeplassar, eige kjøkken, bad og toalett. Små hytter med enkel standard, fire sengeplassar, hybelkjøkken samt tilgang på felles sanitæranlegg. Sjølvsagt kan ein også sove i telt eller campingvogn/-bil.
http://www.grovencamping.no/

Mjonøy Camping
Mjonøy ligg tett ved E134 ca ei mil frå Høgetveit i retning Bergen. Her kan ein sova i gamle hus henta til campingen frå lokale gardar. Hyttene er av forskjellig storleik og standard. Store med inntil ni sengeplassar og høg standard, små med inntill fire sengeplassar, enkel standard og felles sanitæranlegg
http://www.mjonoy.no/

Hyllandsfoss Camping
Hyllandsfoss ligg på ein liten avstikkar to km frå Åmot sentrum og ca tolv km frå Høgetveit. Her er også tilgang på større familiehytter med høg standard, og mindre hytter med felles sanitæranlegg. Informasjon finn du her.
http://www.eurocampings.net/no/europa/norge/telemark/hyllandsfoss-camping-112306/

Dalen Hotel
Dersom campinglivet ikkje er noko for deg er det også mogleg å ta inn på erverdige Dalen Hotel. Dalen ligg ca tre mil frå Høgetveit, men kun ei mil frå Skafså kyrkje.
http://www.dalenhotel.no/

På Dalen finnas også campingplass
http://www.dalencamping.com/
samt bed&breakfast
http://www.dalenbb.com/

Villcamping
Vest Telemark byr på mykje flott natur, har du telt eller eventuelt berre sovepose kan vilcamping vere alternativet for deg. Då kan du sjølv avgjere avstanden frå Høgetveit.
Sjekket veret for høgetveit:
http://www.yr.no/stad/Noreg/Telemark/Vinje/Høgetveit/langtidsvarsel.html

Skafså kyrkje

Vigsla finn stad i brudgommens heimtrakter, nærare bestemt Skafså kyrkje. Kyrkja vart vigsla i 1839, før det stod det her ei stavkyrkje. Ved kyrkjemuren står det ein gapestokk og ei steinmerr som vart nytta til offentleg avstraffing. Her er brudgommen konfirmert og barneskulen er næraste nabo. Då forlovaren til brudgommen fekk høyre om gjestebodsplanane, heiv han seg rundt og restaurera henne. Kyrkjeromet er med andre ord vindtett.

Avstanden frå Høgetveit til Skafså kyrkje er 37 km, her finn du reiseruta:
http://kart.finn.no/?lng=7.95459&lat=59.50956&tab=routeplanner&zoom=11&mapType=finnvector&activetab=routeplanner&waypoints=from%3AH%C3%B8getveit%4099329,6629925+to%3ASkafs%C3%A5%40103524,6606009

Dei som evt ikkje kjem med eigen bil må sei til, slik at me kan plassere dykk i andre bilar til og frå kyrkja.

Høgetveit

Gjestebodet vil finne stad på Høgetveit, heimgarden til brura. Garden ligg i ei lita grend, Bøgrend, i Vinje kommune, heilt vest i Telemark. For å finne vegen hit må du koma deg inn på E - 134 som går mellom Drammen og Haugesund, eventuelt setje deg på Haukeliekspressen. Då brura var lita budde det tri generasjonar Høgetveit her, i dag bur far og mor her i lag med eit par kattar og omkring 100 vinterfora sau.

Nettside med oversikt over rutetidene til Haukeliekspressen: http://bestilling.nor-way.no/nbeiis/statictable/statictable.aspx?Language=o&Route=180&Direction=T&Product=P1

Innleiing

Nyttårseftan 2009/2010 i måneskinet på Skjenuten vart det avgjordt; lat oss stelle til gjestebod. No er me i gang med førebuingane, gjestelista er nesten ferdig og invitasjonane er under utforming. Underhaldning er snart i boks, og me er i full gang med å utforme ein meny. Det er mykje som skal fiksast og tenkjast på når ein ber inn til gjestebod, og det vert ikkje mindre når ein vil ha gjestebodet heime på Høgetveit. Før den store dagen må det ryddast, plantast og pyntast. Det er godt ein har gode konsulentar = foreldre. For at helga skal verte vellykka, håpar me at så mange som råd har tid til å setje av ei heil helg for å feire i lag med oss. Fredag er ein fin sjanse for å varme opp og verte kjend med dei andre i gjestebodet. Her på denne sida vil me leggje ut informasjon av ulik nytteverdi utover våren og sommaren. Har du ellers spørsmål er det berre å ta kontakt på telefon eller e - post.